golfmina1

2003-05-21T09:04:00.000Z

Nú sit ég með Salvöru í KHÍ og við erum að ræða hvað ég þarf að bæta við skilaverkefnin mín. Vonandi tekst þetta fyrir máðanarmótin.

2003-05-12T12:05:00.000Z

Nú hef ég lokið öllum verkefnum, prófum og ritgerðum í íþróttafræðinni. Það gerðist í gær kl. 23.10 þegar ég skilaði inn síðasta prófinu mínu. Ég reikna með að útskrifast sem íþróttafræðingur/heilsuþjálfari 14. júní n.k.
Nú get farið að snúa mér að tölvunni og þeim verkefnum sem henni fylgja. Ég er að reyna að ná sambandi við Salvöru en það hefur reynst erfitt undanfarið svo að ég sendi henni póst áðan. Ég vona að svar berist innan skamms.
Nú er veðrið svo gott að maður ætti helst að vera á golfvellinum allavegana þeir sem hafa tækifæri til.

2003-05-08T12:23:00.000Z

Jæja þá er fríið búið eða nánar tiltekið námsferðinni lokið. Ég var í heimsókn hjá golf- og íþróttakennaranum Jóni Karlssyni sem er minn ráðgjafi fyrir Golfleikjaskólann og golfkennari. Ég fylgdist með byrjenda golfkennslu hjá Jóni og fór sjálf í úttekt á minni kennsluaðferðum sambandi við golfelikjanámskeiðin mín. Allt gekk þetta mjög vel og ég kom full af sjálfstrausti heim og tilbúin í slaginn.Ég er að fara í síðasta prófið mitt í íþróttafræðinni á morgun og stendur það yfir fram á miðnætti á sunnudaginn. Þetta er próf í íþróttastjórnun og verða nokkrar ritgerðarspurningar. 20 síðna próf ef ekki meira.
Eftir prófið verð ég að snúa mér að Salvöru og hennar verkefnum ef ég á að ná að klára fyrir 1. júní en hún talar um viku vinnu.Hugmyndirnar eru til staðar en eftir að útfæra þær í tölvutækt form.

2003-05-06T07:38:00.000Z

Eg er i Noregi eins og er og kem heim i dag. Eg var i øfingabudum fyrir golfleikjaskolann minn.

2003-04-24T21:28:00.000Z

Gleðilegt sumar öll sömul og takk fyrir veturinn. Sumarið leggst vel í mig og bíð ég spennt eftir námslokum. Ég gerði mér nú daga mun í dag og fór á skátaskemmtun eins og sannur skáti og lá síðan í verkefnavinnu sem eftir var dagsins.
Hugsið ykkur; samkvæmt nýjustu rannsóknum fræðimanna KHÍ og HÍ eru fjórðungur 9 ára barna of feit. En ekki vegna mataræðis heldur hreyfingarleysis. Hvernig væri að hugsa aðeins um þetta þegar við vinnum þessi kyrrsetu verkefni sem ætluð eru þessum börnum. Það ætti kannski að fara leggja meira fjármagn í að auka hreyfingu barna á grunnskólaaldri. Hvort er betra kyrrseta eða hreyfing??

2003-04-23T13:31:00.000Z

Jæja loksins gef ég mér tíma til að skrifa. Ég er gjörsamlega á haus í íþróttafræðinni til og með 11. maí n.k. og kem ekki til með að geta hugsað um verkefni hjá Salvöru þangað til, því miður. Það er allt lagt í B.S. ritgerðina og önnur verkefni eins og viðbeinsbrot og samfara því endurhæfing + próflestur. Einnig fer mikill tími í að taka á móti skráningu í golfleikjanámskeið Golfleikjaskólans.

2003-04-08T19:59:00.000Z

Það hefur verið allt vitlaust að gera við í Golfleikjaskólann í dag. Búin að rugla saman Evu okkar og annarri Evu í Reykjavík og senda þeim e-mail á víxl til rangarar Evu.

2003-04-08T09:38:00.000Z

8. apríl 2003
Nú er að takast á við næstu lotu og verkefnum sem henni fylgir. Allt snýst um lokaritgerðina mína sem ég ætla að reyna að skila fyrir páska. Einnig er sumarvinnan í fullum undirbúningi eins og þið sjáið hér.
Páskarnir verða haldnir í Eyjum og ætlar fjölskyldan að vera þar saman og spila golf og gera margt fleira skemmtilegt.

2003-04-05T15:51:00.000Z

5. apríl 2003
Nú er öllum vettvangskönnunum lokið og ég er alfarið að vinna fyrir íþróttafræðina þessa dagana. Mikil skil á verkefnum fram að páskum. Ég er búin að fara í golf í dag, fínt veður þó að það blási aðeins. Er mikið að velta fyrir mér hvort ég eigi að koma með glærusýningu um íþróttameiðsl eða golfkynningu þetta er það sem allt snýst um hjá mér núna. Ég hlakka til að hitta ykkur öll í innilotunni næstu helgi. Ég var að ganga í FKA sem virðist vera áhugaverður félagsskapur. Einnig finnst mér margt sniðugt að gerast hér

2003-03-31T22:27:00.000Z

31. mars 2003
Í dag gerði ég rannsókn á netnotkun dóttur minnar sem er 11 ára. Við settumst inn í tölvuherbergi og ég stillti upp upptökuvélinni og gerði okkur klára fyrir upptöku. Þessa vettvangsathugun átti nefnilega að taka upp á myndband. Við vorum að í heilar 15 mínútur og gekk vel. Stelpan fór á netið, spjallaði við vini og vinkonur á msn (hún er búin að vera veik og án vina og bekkjarfélaga í nokkra daga) og saknaði þeirra mjög. Einnig vatt hún sér yfir á e-mailinn og náði að lesa nokkur bréf sem henni hafði borist og svaraði þeim á milli þess sem hún tók fullan þátt í msn með þremur öðrum. Upptakan tókst vel miðað við græjurnar sem voru notaðar og spennandi að skoða hana í samanburði við það sem skráð var.

2003-03-27T15:53:00.000Z

27. mars 2003
Loksins er ég búin að senda Sólveigu tvær skýrslur af fjórum vegna þáttöku í rannsókninni. Þetta var ansi skemmtilegt að skoða nemendur svona náið. Nú ætla ég að skoða stelpurnar mínar 11 og 12 ára hér heima. Það verður þó nokkur munur á þeirri skoðun, því þær koma ekki til með að vera saman við tölvuna. Ég ætla að taka þær upp á vídeó og reyna að fá nákvæmari athugun.
Einnig er ég búin að koma ensku þýðingunni inn á síðuna. Ekki mjög smart útlit en innlitið skárra.
Ég er bara ekki færari en þetta í Dreamweaver.
Önnur verkefni ganga hægt og sígandi, alltaf eru að berast greinar um íþróttastjórnun til lestrar og umfjöllunar.

2003-03-25T21:13:00.000Z

25. mars 2003
Nú er lokaundirbúningur fyrir rannsókina hjá Sólveigu að ljúka. Ég er búin að hlusta á ,,Eigindleg gögn og úrvinnsla þeirra,, erindi hennar um kodun og var ég miklu nær eftir það. í fyrramálið fer ég í Hofsstaðaskóla og fylgist með nemendum í 5. bekk í tölvutíma. Ég er að hugsa um að taka vídeo af þeim svo ekkert fara á milli mála. Það verður spennandi hvað kemur út úr því.

Hún var aldeilis snögg hún Lára að afgreiða okkur með verkefni eitt. Svona á þetta að vera. Gott há þér Lára þú ert dugnaðar forkur.

Ég er einnig á kafi í íþróttafræðináminu. Nú er ég að skrifa um álagsmeiðsl í íþróttum. Vöðvatognun, hvernig eru líkleg einkenni þeirra o.fl. Einnig er ég að gera verkefni um heilsuþjálfara sem sinnir offeitum börnum og fær þau og fjölskyldur þeirra til að breyta um lífsstíl.Offita er alltaf til vandræða.

2003-03-21T20:03:00.000Z

21.mars.2003

Nú fer stóra stundin að renna upp. Mín fyrsta kynning á nýja fyrirtæki mínu Golfleikjaskólinn ehf verður í Sporthúsinu kl. 10 f.h. laugardaginn 22. mars. Ég býð ykkur öll velkomin á kynninguna.

Nú fer að styttast í vorið og margar ykkar kannski farnar að huga að golfíþróttinni.
Golfleikjaskólinn ætlar að bjóða þér að koma og kynna þér golfaðstöðu Sporthússins að
Dalsmára, Kópavogi laugardaginn 22. mars kl. 10 f.h.
Einnig mun hin frábæra aðstaða til líkamsræktar verða kynnt.
Konur á öllum aldri eru sérstaklega velkomnar.
Sumaráætlun Golfleikjaskólans verður afhent.

Með golfkveðju,
Anna Día
íþróttakennari og golfleiðbeinandi

2003-03-19T20:25:00.000Z

Dreifnám í Menntaskólanum á Akureyri vorönn 2002.

Hugtakið dreifinám lýsir samspili staðbundins náms og fjarnáms. Dreifinám byggist að hluta til að staðbundnum mætingum og að hluta til á fjarnámi. Ekkert er því til fyrirstöðu að stunda dreifinám við fleiri en einn skóla samtímis. Í því tilfelli gæti einn skóli verið heimahöfn nemenda. Með þessu fyrirkomulagi öðlast nemendinn fjölbreyttari valmöguleika og verður þar af leiðandi meðvitaðri og ábyrgari fyrir námsframvindu sinni.

Þessar forsendur voru prófaðar í skólastarfi Menntaskólans á Akureyri á vorönn 2002.
Áhuginn vaknaði við verkefnaáætlun Menntamálaráðuneytisins ,,Forskot til framtíðar”

Þessar til raunir voru gerða í nokkrum áföngum með nemendurm á fyrsta, öðru og fjórða námsári.
Bakgrunnur: Þar var leitast við að finna svör við nokkrum spurningum sem skiptu máli í dreifinámi.
Fjórir kennarar tóku þátt í þessu verkefni vorönn 2002 utan undirbúningvinnu haustið 2001.
Aðferðafræði:Þetta var lítil tilviksrannsókn með eingindlegum aðferðum með það fyrir augum að nýta þekkingu til að bæta eða breyta.
Skipulag:Kennurum var alveg frjálst hvernig þeir skilgreindu dreifikennslu og fóru því mismunandi leiðir. Ekki voru allir sammála þessu og vildu vað verkefnastjóri skipuleggði kennsluna.
Ýmiss hugbúnaður var notaður við dreifikennsluna t.d. Front Page, DreamWeaver o.fl.
Skiptir aldur nemenda máli þ.e. í hvaða bekk þeir eru? Kennarar töldu að aldurinn skipti ekki öllu máli helur töldu þeir að öguð vinnubrögð og þekking á því að stunda dreifnám skiptu mestu og að líklegar færi eldri nemendur færar í því en þeir yngri.
Þarf að þjálfa upp sérstök vinnubrögð? Nemendur þurftu sjálfir að bera ábyrgð á námi sem ekki var skráð a´stundatöflu.Nemendur sáu ekki samhengi í því að ef um fáar kennslustundir væri að ræði yrði meira heimanám og nemendur upplifðu dreifinám sem ,,auknu álagi”.
Hvaða áhrif hefur dreifnám á starf kennararns? Kennararnir voru sammála um að dreifinám hefði mikil áhrif á starf þeirra, vinnuálag ykist mikið og væri meir einkakennsla í formi tölvusamskipta.
Námsefni: Ekki var vinnuaukningin eingöngu stíluð á aukin samskipti við nemendur heldur einnig í námsefnisgerð og vinnslu á eigin vef.
Hvaða endurmenntun þar kennari: Kennarar voru sammála um að þeir þyrftu símenntun til að geta sinnt dreifkennslu á markvissan hátt þar sem upplýsingatækninni er notuð þ.e. notkun á margvíslegum hugbúnaði, forrit sem hægt er að vinna gagnvirk verkefni og að tala inn á glærur.
Hefur kennsluaðferðafræði kennarans áhrif: Kennararnir sögðu áhrifin bæði vera í kennslunni og einnig á vinnuálagi þeirra en ekkert sérstaklega bundið við dreifikennslu frekar en annarri kennslu.
Breytir dreifinám vinnulagi / vinnuálgi og/eða áhuga nemenda?
Ekki tölu kennarar að dreifnám væri til þess að euka áhuga nemenda á námi. Nemendur voru ekki alveg kláriri á því að þeir þyrftu að nota sambærilega tímfjölda til náms þann sem felldur var niðu í hefbundinni kennslu. Kennarar lögðu fram skýrar námsáætlanir og útskírðu skipulag annarinnar.
Niðurstöður:
Fartölvubekkur og dreifinám. Mjög gott að nemendur höfðu stöðugt aðgengi að eigin fartölvum. Það þarf ekki endilega að vera forsenda fyrir að hafa eigin fartölvu í dreifinámi en þægilegt.
Stundatafla með 40 min. tímum henta ekki fartölvubekkjum, einnig þyrfti að vera meiri kennsla í fjarnámi. Misjöfn aðstaða heimafyrir til hópastarfs og ekki æskilegt að senda heilu hópana til að vinna á bókasafni. Spennandi væri að skipuleggja skólastarf í heild út frá dreifmenntun og sjá hvernig það gengi fyrir sig út frá þeim aðstæðum.
Það kom fram að agi þyrfti að vera gríðarlega mikill og að stýra þyrfti náminu meira.
Vinnureglur þurfa vera skírar og markvissar bæði með mætingu og skil á verkefnum.
Námstækni þarf að kenna nemendum eins og það að stunda nám með fartölvum og glósa í dreifinámi og hefja önnin á því.
Að lokum vil ég lýsa ánægju minni yfir þetta framtak Láru og er ég viss um að svona nám henti mörgum mun betur en hefðbundið nám. Mér hefur fundist mjög merkilegt það starf sem Lára hefur unnið að við MA og fylgist með því gegnum nokkra nemendur sem í kannast við þar.Grein Láru um ,,Dreifnám í Menntaskólanum á Akureyri vorönn 20022.
Kveðja
Anna Día

2003-03-19T09:25:00.000Z

Því miður lenti ég í nokkru áfalli þegar heilmikil vinna tapaðist af harðadiskinum í fartölvunni minni og ég þurfti ég að byrja upp á nýtt.
Hér á eftir kemur hluti af því.

Umfjöllun um greinina:

,,Þarfagreining og áætlanagerð í upplýsingarækni"

Þar kemur fram hve mikilvægt það er að gera góðar áætlanir og uppbygging UT í skólastarfi fari vel af stað.
Allt hjálpast að við að koma þessu vel af stað, kennsluhættir, tæki, hugbúnaður, símenntun o.fl. Þarfir stofnunarinnar við gerð áætlunar eru númer eitt og og síðan forgangsraða þeim eftir því sem fjármagn leyfir.

Eins og fram kemur er ekki hægt að leyfa sér að hugsa um sparnað við uppbygginguna eins og oft fylgir menntamálum.
Aðferðir við áætlunargerð í uppbyggingu segir Lára að séu t.d. hvernig á að skoða og meta aðstæður, hvernig á að safna upplýsingum, hvernig á að setja upplýsingarnar fram, hvað verður gert við upplýsingarnar, skýrslugerð, kennslufræði, tækjabúnaður, hugbúnaður, símenntun og stoðþjónusta.

Greinilega kom í ljós að Lára hefur mikla reynslu í UT í skólastarfi og hefur mikla innsýn í þarfagreiningu og áætlunargerð bæði fyrir starsfólk skólans og nemendur. Samfélagið hefur breyst svo hratt í þessum málum að það þarf að fylgjst vel með og vinna í takt við þær kröfur sem það samfélagið gerir.

Ég hafði mjög gaman að lesa þessa gein og kynnast því hvernig þessu er háttað. Hversu vandasamt það er gera góða áælunargerð, að sem flestir komi að þeirri gerð og að raða verkum eftir forgangsröð og síðast en ekki síst kostnaðurinn sem er mikill og oftast eru það krónurnar sem ráða ferðinni. Stjórnendur skólanna þurfa ekki síður að vera vel inní UT í skólastarfi.
Hér á eftir kemur greinin eftir Láru Stefánsdóttur fyrir þá sem vilja kynna sér efnið betur.
Þarfagreining og áætlanagerð í upplýsingarækni

2003-03-17T16:31:00.000Z

17.mars 2003
Eftir mjög strembna námslotu á Laugarvatni frá fimmtudegi fram á sunnudag 16. mars er ég komin aðeins af stað aftur í UT-ið. Það verður eitthvað erfitt að koma einhverju frá sér.
Ég hef valið tvær greinar til þess að skrifa um, Þarfagreining og áætlanagerð í upplýsingarækni og Dreifinám í Mennstaskólanum á Akureyri

2003-03-11T16:40:00.000Z

11. mars´03
Í dag var farið með nemendur í 4.-6. bekk Hofsstaðskóla í Garðabæ í Skíðaferðalag. Við lögðum af stað kl. 9 í morgun upp í Skálfell og áttum frábæran dag í sól og blíðu. Færið var mjög gott og hægt var að sitja úti og drekka kaffi og borða nestið sitt. Svona leit þetta út hjá okkur í Skálafelli: Unnið harðfenni,-7°C NV 5 m/sek. Ég á enn i vandræðum með að setja inn myndir á bloggið er einhver sem nennir að hjálpa mér með það?
annadia@centrum.is

2003-03-09T19:44:00.000Z

Garðabær, 9. mars ´03
Ég er búin að vera á golfþjálfaranámskeiði alla helgina. Það var mjög fróðlegt og margt sem ég get notað mér í framtíðinni í minni golfkennslu bæði fyrir nemendur og mínar dætur. Ég hitti einnig þroskhefta kylfinga sem ég er að fara með á golfmót, Special Olympics á Írlandi í júní n.k. þetta er búin að vera strembin og lærdómsrík helgi hjá mér þrátt fyrir að hafa ekkert sest við tölvuna. Nú verð ég að fara að taka mig á og gera eitthvað fyrir heimsíðuna mína. Einnig skulda ég eitthvað verkefni fyrir að vera ekki á UT ráðstefnuninni.

2003-03-06T15:19:00.000Z

Á öskudaginn var ég með námskeið ,,Skólagolf" á vegum íþróttakennaranna á Akureyri. Námskeiðið var haldið bæði innan- og utandyra og voru íþróttakennararnir mjög ánægðir með útkomuna. Veðrið var samt ekki það besta rigning og gasvellirnir mjög blautir. Eftir hádegi gafst mér tækifæri að fylgjast með hátíðarhöldum öskudagsins og var það mjög skemmtilegt.

2003-03-02T14:53:00.000Z

Jæja nú er ég að verða skárri til heilsunnar, hef verið að reyna að bæta síðuna mína en er ekki beint ánægð með afköstin. Það vantar eitthvað flott á hana bakgrunna og falleg munstur eða myndir.

2003-02-27T16:41:00.000Z

Ég held að ég sé að verða veik. Búin að vera með beinverki og höfuðverk í allan dag en samt verið að rembast við þetta blogg og búin að rugla í þessu öllu saman. Nú er ég hætt og ætla að reyna að sofa pestina úr mér svo ég komist með til Akureyrar í fyrramálið. Ég ætla að kíkja á lækninn.

2003-02-27T14:22:00.000Z

Þetta er uppáhalds taskan mín

2003-02-26T22:26:00.000Z

Jæja þá er komið að því að skrifa aðeins á bloggið. Ég og Snjólaug höfum verið að vinna í okkar lokaritgerð í íþróttafræðinni í síðustu daga. Innihald ritgerðarinnar er hönnun á Golf-línu fyrir framhaldsskóla. Þetta finnst okkur mjög spennandi kostur fyrir þá unglinga sem áhuga hafa á golfíþróttinni og vilja taka nokkra áfanga á því sviði til stúdentsprófs. Við lögðum áhugasviðskönnun fyrir nemendur í 9. og 10. bekk og höfum niðurstöðurnar til hliðsjónar. Við erum í sambandi við nokkra framhaldsskóla á Norðurlöndunum t.d. einn í Danmörku Golf-collegesem bjóða uppá golf- línu og lítur það mjög vel út hjá þeim. Vonandi verður þetta að veruleika hjá okkur. Fyrir þá sem hafa lokið við framhaldsskóla geta fengið kennslu hér á
Golfkennsla

2003-02-24T14:52:00.000Z

Er þetta ekki eitthvað fyrir ykkur? GOLF

2003-02-24T13:59:00.000Z

Jæja! þá er ég ný komin úr Herjólfi eftir velheppnaða ferð til Eyja um helgina. Veðrið var hið allra besta á laugardaginn og útiverunnar var notið allan daginn. Á sunnudaginn hitti ég Evu og sýndi henni ýmislegt gagnlegt úr náminu mér til mikillar ánægju og ætlum við að vera í góðu sambandi. Elísabet er búin að eignast stóran strák, fæddist í gærkvöldi 23. feb. Til hamingu með prinsinn Elísabet, Bjössi og Arndís.

2003-02-20T18:48:00.000Z

Ég get ekki breytt síðustu vitleysu. Verður að bíða svona þangað til ég fæ hjálp. smyrja

2003-02-20T17:52:00.000Z

Jæja meira um hollustuna. Hér kemur frábær síða sem hjálpar manni að gera sér grein fyrir því hvað maður lætur ofan í sig.
Endilega prófið þið

2003-02-18T12:36:00.000Z

Jæja þá hef ég lokið við næringarfræðina og er að byrja á verkefni í íþróttastjórnun hjá Andra Stefánssyni starfsmanni hjá ÍSÍ. Ég vona að þið hafið kíkt inn á matarvefurinn.is þrátt fyrir að linkurinn hafi ekki komist á síðuna. Nú er ekkert annað en að snúa sér að heimasíðunni og því sem henni viðkemur.

2003-02-16T21:44:00.000Z

Góða kvöldið. Nú hef ég setið við tölvuna alla helgina. Því miður var ég ekki að sinna heimasíðunni né blogginu heldur risa verkefni í næringarfræði upp á 35 síður sem ég á að skila fyrir miðnætti í dag til Fríðu Rúnar næringarfræðings og hlaupara. Þetta verkefni er um allt mögulegt þó aðallega uppsetningu á máltíðum og fæðuvali. Ég notaði sérstakt forrit á matarvefurinn.is til þess að reikna út næringargildi fæðunnar sem ég hef valið og ath. hvort hún sé nógu holl og næringarrík fyrir viðkomandi. Ég hvet ykkur eindregið að fara inn á þennan vef og kynna ykkur möguleikana.

2003-02-15T11:00:00.000Z

Í dag sit ég fyrirlestur hjá Ólöfu Bjarnadóttur. Hún er að segja okkur frá leturgerð/flokkum o.fl. mjög fróðlegt og skemmtilegt. Ég sit við hliðna á Fanný og mér sýnist hún vera að skrifa niður allan fyrirlesturinn fyrir ykkur hin sem ekki eru hér.

2003-02-12T15:51:00.000Z

Jæ þá ég er búin að sitja við í allan dag og reyna gera eitthvað fyrir síðuna mína. Borðinn sem ég ætlaði blogginu festist á síðunni og verður bara þar í staðinn. Vefrallýið festist en hvarf svo.
Ég held áfram á morgun. annars er ég á kafi í næringarfræðinni skilaverkefni fyrir næsta sunnudag.

2003-02-10T13:21:00.000Z

Nú hef ég verið að reyna að bæta við heimasíðu mína en mér tekst ekki að flytja breytingarnar yfir á vefinn. ÉG reyndi líka að setja borðann minn á bloggið á laugardaginn í tímanum í KHÍ en það virðist vera vonlaust verkefni. Ég er búin að gefast upp með borðann.

2003-02-07T13:54:00.000Z

Nú er þetta að verða skárra hjá mér útlitið. Ég þakka Elísabetu sérstaklega fyrir. Nú er bara að vinna forsíðuna betur og klifra síðan smátt og smátt upp fjallið. Þeir sem hafa áhuga að kynna sér nemendamót Versló

2003-02-06T09:31:00.000Z

Góðan daginn ég er alveg að tapa mér í þessu.

2003-02-03T08:45:00.000Z

Nú er ég farin að geta sett inn linka og langar mig að sýna ykkur hvar ég dvaldi í skíðafríinu í Austurríki Zell am See
með fjölskyldunni fyrir tveimur vikum. Ég ætla svo að reyna að koma upp rétta borðanum sem ég ætlaði að vera löngu búin að setja á réttan stað.

2003-02-02T21:44:00.000Z

Mikið hefur gengið á hjá mér í dag. Ég ætla bara ekki að geta náð þessari tækni að setja inn myndir og hitt og þetta á blessað bloggið.
Hérna er heimasíðan mín. Hún bíður eftir andlitslyftingu.

2003-02-01T21:59:00.000Z

Jæja ekki hefur þetta tekist nógu vel í dag. Er hætt í bili. svona til vonar og vara skrifa ég slóðina á síðunni minni svona

2003-01-29T20:18:00.000Z

Ég ætla að bíða með það fram að helgi að pæla í tengingum og myndum og fleiru. Einnig ætla ég að bæta inn greinaskilum og línubilum og fleiru. En þetta er að koma maður verður bara að sitja við.
annadia

2003-01-29T20:12:00.000Z

Tæknivæðing Önnu Díu.

Árið 1988 eignaðist ég mína fyrstu tölvu sem var MACintosh keypt hjá innkaupastofnum ríkisins. Á þeim tíma gerði innkaupastofnunin stóra hagstæða pöntun á Mac tölvum sem voru síðan seldar kennurum og öðrum ríkisstarfsmönnum. Með í kaupunum var nálaprentari sem endist nokkuð vel. Um svipað leyti fór ég á tölvunámskeið hjá Tölvu- og verkfræðiþjónustunni sem var virkilega nytsamlegt og áhugavert námskeið. Þar var farið var yfir það helsta sem til var í þá daga. Síðan hef ég ekki farið á tölvunámskeið. Þessi tölva endist okkur bæði hér heima og erlendis þangað til að við keyptum ACO tölvu árið 1995 og prentara með. Sú tölva var PC og miklu fullkomnari en Macinn gamli. Með nýju tölvunni fengum við síðan internetið og var það heill fjársjóður inn á heimilið. Þessi heimilistölva var fullnýtt af öllu heimilfólkinu fram í okt. 2002 og þá var henni hent.
Árið 2001 fengum við grunnskólakennarar í Garðabæ Dell fartölvur til eigin afnota og var það þvílíkur lúxus. Þessum feng fylgdi einnig pakki af allskonar námskeiðum en því miður gat ég ekki notfært mér þau þar sem ég kenndi skólasund milli kl. 14 og 17 virka daga á sama tíma og námskeiðin voru haldin. En svo var kominn tíma á aðra heimilistölvu og prentara sem var keypt í des. s.l. Þessi tölva er nokkuð fullbúin með góðu minni skrifar, netmyndavél o.fl. góðum hlutum og hp prentari nokkuð góður. 24. des. var svo í fyrsta skipti sítenging tekin inn á heimilið og þvílíkur munur að ég hefði ekki trúað því. Nú er meira að segja verið að spá í hvernig við getum tengt tvær tölvur við netið í einu. En heimilisfókið situr helmingi lengur við fyrir vikið.Ef einhver getur sagt mér það þá verður það mjög gott.

2003-01-29T20:07:00.000Z

Vefrallý um golfvelli Íslands.

Hugmyndin er að ferðast á milli golfvalla og leita svara við hinum ýmsu spurningum um golfvelli og golfklúbba. Að geta leitað eftir upplýsingum t.d. um hvað er að gerast hjá golfklúbbum landins, hvað kostar að spila golf o.s. frv.og ýmsar aðrar spennandi upplýsingar. Fylgjast með hvað er að gerast á golf.is og þaðan er hægt að fara inn á heimasíður hjá öllum golfklúbbum landsins sem skráðir eru í GSÍ.

2003-01-29T15:48:00.000Z

Tilveran mín.

Ég er fædd á Sólvangi í Hafnarfirði Hafnarfjörður 4. nóvember 1957 og skírð 27.
desember sama ár í Dómkirkjunni Dómkirkjan í Reykjavík og fékk nafnið Anna Sigríður.
Mestan hluta ævi minnar hef ég búið í Garðabæ Garðabær . Árið 1976 fór ég til Austurríkis og tók skíðakennarapróf (landschilehrer) og dvaldi þar í ár við skíðakennslu bæði á jöklinum Kitzsteinhorn og í Kaprun Kitzsteinhorn sem er í nágrenni við Zell am See. (Ég var þar í s.l. viku). 1978 hóf ég nám við ÍKÍ á Laugarvatni og lauk þar námi vorið 1980. Fyrstu þrjú árin kenndi ég á Akureyri við Glerárskóla bæði íþróttir, sund og 6 ára bekk. Næstu tvö árin kenndi ég við Hamarskóla í Vestmannaeyjum Vestmannaeyjar , stofnaði fjölskyldu og byggði þar hús . Fjölskyldan hjón með eina dóttur (f.´84) flutti síðan tveimur árum seinna í Garðabæinn og hóf ég kennslu við Hofsstaðaskóla í Garðabæ og eiginmaðurinn hóf nám við Tækniskóla Íslands. Árið 1988 flutti fjöldkyldan til Odense Odense í Danmörku og bjó þar í 5 ár. Eiginmaðurinn fór í nám við Tækniskóla og vann við að byggja Stórabeltisbrúnna og ég fór í framhaldsnám við DLH í ýmsum greinum og tveggja ára nám í fatahönnun við Odense Håndarbejdseminarium. Í Danmörku stækkaði fjölskyldan og í september árið 1991 var hún orðin hjón með þrjár dætur 7 ára ,1 árs og nýfædd. Árið 1993 fluttum við svo aftur til Íslands í Garðabæinn og búum þar en. Ég hef starfað við Hofsstaðaskóla síðan þá, kennt íþróttir, sund og dönsku, þar til danskan var færð upp í 7. bekk. Nú er ég í ársleyfi . Ég stunda framhaldsnám í íþróttafræðum við íþróttaskor KHÍ fjarnám og UT eins og þið. Fyrir áramót stundaði ég nám í Brautargengi, þ.e. nám fyrir konur með áhugaverðar hugmyndir í viðskiptalífinu og mín hugmynd fer að koma upp á yfirborðið. Áhugmálin eru þó nokkur. Fjölskyldan er númer eitt, hún er stóru steinarnir í mínu lífi. Sameiginleg fjölskylduáhugamál eru skíði, golf, ballet Listdansskóli Íslands , píanóleikur Tónlistarskóli Garðabæjar og sumarbústaðaferðir .
Mótto:
Fjöskyldan - saman – gaman
annadia

2003-01-28T21:54:00.000Z

Jæja þetta var nú meiri dagurinn. Mætti upp í Iðntæknistofnun til þess að fá staðfestingu á að ,,Hugmyndin mín" væri fullkomin og tilbúin til framkvæmdar. Þaðan í Hofsstaðaskóla og sækja Eygló Myrru og keyra hana í Píanótíma. Á meðan upp á Bæjarskrifstofu og kanna undirstöðurnar fyrir ,,Hugmyndina mína" jákvætt út úr því. Ég er í góðum málum þar. Foreldrafundur í Tónlistarskólanum eftir píanótímann. Vinna við B.s. ritgerðina fram að kvöldmat og síðan fundur í unglinganefnd GKG fram eftir kvöldi. Gjörsamlega búin eftir þann fund. Karlremburnar þar ööööööööö

2003-01-27T19:28:00.000Z

Jæja nú virðist bloggið mitt komið í lag, eitthvað ætla ég nú að flikka upp á útlitið þegar ég hef fikktað nóg til þess að betrum bæta þaðÞað þarf að hafa góða heilsu í þetta. Heilsa

2003-01-27T10:38:00.000Z

Þetta er ótrúlegt að ekkert gerist. Hvað á ég að taka til bragðs??????????

2003-01-27T10:36:00.000Z

Jæja nú ætla ég að prófa þetta einu sinni en og vona að sendingin heppnist.
[1/26/2003 10:23:07 AM | anna aerlingsdottir]
Eftir frábært skíðafrí í Austurrík http://www.zellamsee.com/en/webcam_shb_winter.shtml með fjölskyldunni s.l. viku http://www.salzburgerhof.at/shall.html er ég komin til starfa á ný. Ég vona að ég nái því á að klára verkefnin sem sett hafa verið fyrir, í tæka tíð.

[edit]
[1/16/2003 1:54:13 PM | anna aerlingsdottir]
Vaknaði við ægilegan hávaða í morgun, það er kominn snjór vei vei vei
[edit]

[1/15/2003 6:59:59 AM | anna aerlingsdottir]
Þetta ætlar að ganga eitthvað erfiðlega

[edit]

2003-01-26T18:23:00.000Z

Eftir frábært skíðafrí í Austurríki með fjölskyldunni s.l. viku er ég komin til starfa á ný. Ég vona að ég nái því á að klára verkefnin sem sett hafa verið fyrir, í tæka tíð.

2003-01-16T21:54:00.000Z

Vaknaði við ægilegan hávaða í morgun, það er kominn snjór vei vei vei

2003-01-15T14:59:00.000Z

Þetta ætlar að ganga eitthvað erfiðlega